Mashi-Français

Hilya hyana, hi Mulazo, hyados’ishe :

- Larha, mbwira ngahi abantu barhengaga ?

Ishe atamala bwinja, arhangir'okumulibikira lulya lulibi lwa gurhi Nnamahanga alemag'abantu : Burhanzi Adamu na Eva, nabo baburh’abana, na ntyo na ntyo kuhik’oku shakulwe.

Mulazo, bulya arhayumva kuguma, aj’emasiga ga nina ajimudosa :

- Nyama, mbwira ngahi abantu barhengaga ?

Nina, bulya asomire eKamangala, arhonder'amuganiza kulya abantu barhanzirigiba mfi, buzinda barheng’omu mishi, barhangirikagenda nka mishelebera, kuhika baba rhucima, na buzinda bahinduka bantu nk’oku rhubamanyir’ene.

Mulazo, bulya arhayemera ebirhashushini, agalug’emw’ishe :

- Larha, nayumvirhe wambwir’oku abantu balemagwa. Ci nyama anambwizire oku rhwali bacima.

Ishe amuhum’oku birhugu nka kumurhuliriza anamubwira :

- Ko binali ntyo. Nyoko anakubwizire ebiyerekire omulala gwage, na nani nakubwir’ogwani mulala gurhi gwarhonderaga.

Ebauche préparée par Marius Nshombo

Proposez une histoire courte