Mashi-Français

Wirhu Kagabi, olaluka ci orhankahashilaluka aka winyu Budiba.

Lulya lusiku, Budiba aligwerhe ebigolo aha mwage. Balya bwinja, banywa manji, banaganira binene kuhika budufu bwababugana.

Budiba bona mukage bayimanga bajilusa ebigolo. Erhi bahika oku ibarabara, ebigolo byoshi byaj'oku myoto, byanagenda.

Lero Budiba ayimanz'ogundi moto, gwanayisha. Abwiraga mukage erhi :

- Nikopeshe 2000 francs pale juu busiku iyi. Bibi yangu ataniuwa leo. Ndakulipa kesho.

Mukage asomererw'emurhima ci, buzira kudosa bici, anamuhazo. Aho Budiba ashona oku ogo moto, anabwira motard :

- Nifikishe pembeni ya mosquée.

Motard naye adosa :

- Mosquée ya Nyamugo ?

Naye Budiba mpu :

- Ndiyo. Ku boutique Chez Mike juste en face ya mosquée.

Olya motard ayinamula irhwe nk'owarhanya. Lero asomerwa mpu :

- Mbona njo apa kwenye tuko, mzee ?

Budiba akebagana, azonza amasu ekulyo n'ekumosho, analola mukage nk'orhasagimubona. Aderha mpu :

- Eh, uko na raison, motard, tunafika. Na bibi yangu uyu anakuya ningoya déjà.

Budiba ashonoka oku moto, ahum'omu nshoho, anayulubulamo bilya bihumbi bibirhi mpu abihe motard.

Lero mukage amushamulazo.

Ebauche préparée par Marius Nshombo

Proposez une histoire courte