Mashi-Français

Yagirwa Nnamahanga,
we wampaga abana 
mpu babe bambali bawe banakazintabala,
obagishe, 
ompe n'inema na baleramwo kwinja.

Ntabayigirizagya amabi 
omu nderho erhi mu birjiro,
ci mbamanyise obuzigire bwawe 
n'okushimba amarhegeko gawe.

Ntarhinyaga okubakalihira nka bajizire kubi
bulya orhinya okukalihira omwana 
erhi kushomba amushomba.

Mbazigire nk'oku obazigira, 
mbayigirize bwinja, 
lyo baba bantu nkana, 
bamanyikukolera, 
banarhukenge rhwe babausi babo.

Mashi Nnamahanga, 
okengere oku bali bana bwe,
obacinge oku mabi, batwe bwinja ;
Olange amaroho gabo galek'izinga n'ebyaha
obamolekere obukengere
lyo bamanya bwinja ebikwanine.

Obacinge oku ndwala na oku malibuko,
bakule omu buzine bw'iroho n'obw'omubiri.
Orhulange rhweshi omu bwinja en'igulu 
na buzinda rhukule omu busime bw'empingu.
Amen.