Mashi-Français

Nyemire Nnamahanga
Ishe ogala byoshi
Mulemi w'empingu n'igulu

Na Yezu Kristu Mugala cûsha
Nnahamwirhu
Wayalirwe n'obuzibu bwa Mûka Mutagatifu
Aburhwa na Bikira Maria
Ababazibwa oku ngoma ya Ponsio Pilato
Abambw'oku musalaba
Afa anabishwa, ayandagalira omu irimbo
Olusiku lwa kasharhu afûka omu bafire
Arheremera empingu, 
Abwarhala ekulyo 
kwa Nyamuzinda Ishe ogala byoshi
Anacigaluke alitwira 
abazine n'abafire olubanja

Nyemire Mûka Mwimana
Eklezia Katolika Ntagatifu
Okushangira kw'abatagatifu
Okubabalirwa kw'ebyaha
Okufuka kw'abafire
N'obuzine bw'ensiku n'amango
Amen

Nyemire Nnamahanga muguma
Ishe ogala byoshi
Mulemi w'empingu n'igulu,
Ebiboneka n'ebirhaboneka byoshi

Nyemire Yezu Kristu Mugala cûsha
Nnahamwirhu
Bulangangashane bw'obulangashane
Nnamahanga w'okuli waburhagwa na
Nnamahanga w'okuli.
Abusirwe ci arhalemagwa
Wa bworhere buguma bo n'Ishe
Byoshi ye wabilemaga.
Arhenga empingu ayandagalira en'igulu
Rhwe bantu n'okurhucungula kurhumire.

Ayanka omubiri mu nda ya Bikira Maria
Oku buzibu bwa Muka Mutagatifu,
Acijira muntu.
Oku ngoma ya Ponsio Pilato,
Ka rhwe rhurhumire Ababazibwa,
Abambwa oku musalaba anabishwa.

N'oku lusiku lwa kasharhu afûka
Nk'oku byali biyandisirwe.

Arhemera empingu,
Abwarhala ekulyo kwa Nnamahanga Ishe.
Kandi acigaluka n'irenge,
alitwira abazine n'abafire olubanja,
obwami bwage burhankaheka.

Nyemire na Mûka Mutagatifu,
Nyakasane muli Nnamahanga Ishe n'Omugala,
owaderhaga omu kanwa k'Abalebi.

Nyemire Ekleziya, nguma, ntagatifu,
katolika, na y'oku ntumwa.

Nyemire Bubatizo buguma b'okurhenza ebyaha
Nandwirhe nalinga okufûka kw'abafire,
n'obuzine bw'emyaka yayisha. 
Amen